Strictly FitStepsMae FitSteps yn ddosbarth ffitrwydd dawns egnïol a hwyliog sy’n cynnwys eich hoff symudiadau dawns o Strictly Come Dancing. Fe’i cynlluniwyd i gyflawni canlyniadau ffitrwydd go iawn a mesuradwy. Mae’n addas ar gyfer pob oedran a gallu ac nid oes angen partner arnoch.Byddwch yn cael cymaint o hwyl fel na fyddwch hyd yn oed yn sylwi eich bod yn gwella eich ffitrwydd. Les Mills BODYBALANCE™Yn ddelfrydol ar gyfer unrhyw un a phawb, BODYBALANCE™ yw’r dosbarth ioga a fydd yn gwella eich meddwl, eich corff a’ch bywyd.Yn ystod BODYBALANCE, bydd trac sain yn cael ei chwarae i’ch ysbrydoli wrth i chi blygu ac ymestyn drwy gyfres o symudiadau ioga syml a chofleidio elfennau o Tai Chi a Pilates. Mae rheoli anadlu yn rhan o’r ymarferion, a bydd hyfforddwyr bob amser yn cynnig opsiynau i’r rheiny sydd newydd ddechrau arni. Byddwch yn cryfhau eich corff cyfan ac yn gadael y dosbarth yn teimlo’n dawel eich meddwl ac yn llawn hyder. Hapus. Acwa ffitSblashwch gyda’n dosbarthiadau acwa aerobig!Mae Acwa-ffit yn ddosbarth llawn egni a hwyl ar gyfer pob gallu ac oedran.Mae acwa-ffit yn gyfle i wneud gweithgareddau aerobig gan ddefnyddio gwydnwch dŵr er mwyn llosgi braster a gwella stamina.Mae’r dosbarth yn berffaith ar gyfer y rhai sydd eisiau gwella eu lefelau ffitrwydd ac ymarfer ar lefel isel. Corff Cyfan!Dosbarth llawn amrywiaeth er mwyn cael ymarfer corff cyfan! Gan ddefnyddio cymysgedd o aerobeg, ymarferion camu, pwysau corff ac ymarferion dymbel, mae’r dosbarth hwn yn gwneud yn union beth y mae disgwyl iddo ei wneud. LES MILLS BODYPUMPyr ymarfer delfrydol i unrhyw un sydd eisiau teneuo, tonio a datblygu ffitrwydd – yn gyflym.Gan ddefnyddio pwysau, sy’n amrywio o’r ysgafn i’r cymedrol, gyda thipyn o ailadrodd, mae BODYPUMP yn rhoi ymarfer corff cyfan i chi. Bydd yn llosgi hyd at 540 o galorïau**. Bydd hyfforddwyr yn eich arwain drwy’r symudiadau a thechnegau, sydd wedi’u profi’n wyddonol, yn pwmpio anogaeth, cymhelliant a cherddoriaeth wych – gan eich helpu i gyflawni llawer mwy nag y byddech ar eich pen eich hun! Byddwch yn gadael y dosbarth yn teimlo’n llawn her a chymhelliant, yn barod i ddychwelyd am ragor. Les Mills BODYATTACK™Mae BODYATTACK™ yn ddosbarth ffitrwydd llawn egni ac yn cynnwys symudiadau ar gyfer dechreuwyr a ffyddloniaid fel ei gilydd. Rydym yn cyfuno symudiadau athletaidd fel rhedeg, hyrddio a neidio gydag ymarferion cryfder fel ymwthio a sgwatiau. Bydd hyfforddwr LES MILLS™ yn chwarae cerddoriaeth ac yn eich arwain drwy’r ymarfer – gan herio eich terfynau mewn ffordd dda, llosgi hyd at 730 o galorïau** a gwneud i chi deimlo eich bod wedi cyflawni rhywbeth. HoopaciseA oeddech chi’n gwybod ei bod wedi cael ei brofi y gall hwla hwpio losgi hyd at 400 o galorïau’r awr?Dysgwch sut i hwla hwpio, llosgi calorïau a thonio yn y dosbarth hwyliog hwn!Gan ddefnyddio cymysgedd o hwpio, ymarferion pêl swis, sgipio a mwy, mae’r dosbarth hwn yn ffordd wych i’ch helpu i adeiladu eich ffitrwydd a cholli pwysau Llif Vinyasa yw’r dosbarth hwn yn bennaf. Dyma fath o ioga sy’n cynnwys cysylltu ystumiau â’i gilydd fel eich bod yn symud o un i’r llall, yn ddi-dor. Fel arfer, mae dosbarthiadau’n cynnig amrywiaeth o ystumiau ac nid yw dau ddosbarth byth fel ei gilydd. Mae’r dosbarth hefyd yn cynnwys elfennau o Ioga Hatha, Ioga Yin a byddwch bob amser yn gorffen gydag ychydig funudau o ymlacio. Dyma gyfuniad perffaith o Gryfder a Hyblygrwydd! Mae’r dosbarth hwn wedi’i gynllunio i annog gweithgarwch i ddatblygu ystod o symudiadau, cael hwyl a chymdeithasu! Mae’n benodol ar gyfer oedolion ag anabledd dysgu. Mae’n cynnwys amrywiaeth o weithgareddau hwyliog, chwaraeon a gemau. Mae TMW yn ddilyniant o symudiadau a ddatblygwyd yn benodol ar gyfer hyrwyddo lles corfforol ac emosiynol. A’i wreiddiau yn Tai Chi a Chi King, mae’r dilyniant TMW yn dod ag elfennau o’r celfyddydau hyn ynghyd i greu ffurf symlach. Dim ond 10 munud sydd eu hangen i gwblhau’r gyfres o symudiadau ac ystumiau TMW. Rhagoriaeth TMW yw y gellir ei ymarfer wrth eistedd neu sefyll, sy’n golygu bod ei fuddion yn hygyrch i bawb. Coesau, Penolau a BoliauMae’r dosbarth hwn wedi’i gynllunio i gynyddu diffiniad cyhyrau ac i gerfio’r coesau, y penolau a’r boliau i’r siâp rydych chi ei heisiau! Gan ddefnyddio gwrthiant o offer neu bwysau’r corff ei hun, mae’r ymarferion hyn yn targedu’r meysydd problemus hyn yn benodol. Cerfio’r Corff CyfanYmarfer gwych i’r corff cyfan drwy gyfuno cryfder ac elfennau o ffitrwydd y galon. Un awr o gyflyru’r corff cyfan, gan dargedu pob cydran o ffitrwydd; gan ddefnyddio gwahanol fathau o wrthiant. Mae pob dosbarth yn wahanol ac wedi'i gynllunio i ddal i'ch herio chi!