Datganiad Ymrwymiad Iechyd
Rydym yn ymroddedig i'ch helpu chi i achub ar bob cyfle i fwynhau'r offer a'r
cyfleusterau yr ydym yn eu cynnig. Gyda hyn mewn golwg, rydym wedi ystyried yn ofalus yr hyn y gallwn yn rhesymol ei ddisgwyl o'n gilydd.
Ein hymrwymiad i chi
1. Byddwn yn parchu eich dewis personol, ac yn caniatáu ichi wneud eich penderfyniadau eich hun ynglŷn â pa ymarfer corff y gallwch chi ei wneud. Fodd bynnag, gofynnwn i chi beidio â gwneud ymarfer corff y tu hwnt i'ch gallu eich hun, yn eich barn chi.
2. Byddwn yn cymryd camau rhesymol i wneud yn siŵr bod ein hoffer a'n cyfleusterau yn lân ac yn ddiogel i chi eu defnyddio a'u mwynhau at y diben arferol yr oeddent wedi'u bwriadu ar ei gyfer. Cofiwch nad ydym yn gallu glanhau nac archwilio offer a chyfleusterau ar ôl pob defnydd.
3. Byddwn yn cymryd camau rhesymol i sicrhau bod ein staff yn gymwys i safonau'r Sefydliad Siartredig ar gyfer Rheoli Chwaraeon a Gweithgarwch Corfforol.
4. Os ydych chi'n dweud wrthym fod gennych anabledd sy'n eich rhoi mewn anfantais sylweddol o ran defnyddio ein hoffer a'n cyfleusterau, byddwn yn ystyried pa addasiadau, os o gwbl, sy’n rhesymol i ni eu gwneud.
Eich ymrwymiad i ni
1. Peidiwch â gwneud ymarfer corff y tu hwnt i'ch galluoedd eich hun. Os ydych chi'n gwybod neu'n poeni bod gennych
cyflwr meddygol a allai amharu ar eich gallu i wneud ymarfer corff yn ddiogel, dylech gael cyngor gan weithiwr meddygol proffesiynol perthnasol cyn i chi ddefnyddio ein hoffer a'n cyfleusterau, a dilyn y cyngor hwnnw.
2. Sicrhewch eich bod yn ymwybodol o unrhyw reolau a chyfarwyddiadau, gan gynnwys hysbysiadau rhybuddio, a'u dilyn. Mae ymarfer corff yn cynnwys ei risgiau ei hun. Pan fyddwch chi'n gwneud ymarfer corff, chi sy'n gyfrifol am y risgiau sy'n gysylltiedig. Ni ddylech wneud unrhyw weithgareddau y dywedwyd wrthych nad ydynt yn addas i chi.
3. Rhowch wybod i ni ar unwaith os nad yw ein hoffer neu gyfleusterau yn ddiogel i'w defnyddio neu os ydych chi'n teimlo'n sâl
wrth ddefnyddio ein hoffer neu gyfleusterau. Nid yw ein haelodau staff yn feddygon cymwysedig, ond bydd rhywun ar gael sydd wedi'i hyfforddi mewn cymorth cyntaf.
4. Os oes gennych anabledd, dilynwch y cyfarwyddiadau a ddarperir i'ch galluogi i wneud ymarfer corff yn ddiogel.