Dyma sut y bydd nofwyr sy’n mynychu gwersi yn ailarchebu eu gwersi.
Bydd y cwrs nesaf yn 11 wythnos o wersi nofio yn dechrau ddydd Llun 5 Ionawr 2026 ac yn rhedeg tan yr wythnos yn cychwyn ar 23 Mawrth 2026.
Ni fydd unrhyw wersi yn cael eu cynnal yn ystod y gwyliau hanner tymor, sef yr wythnos yn cychwyn ar 16 Chwefror 2026.
Nodwch yr wybodaeth ganlynol.
Sut ydw i’n archebu ar gyfer y tymor nesaf?
Blaenoriaeth archebu
Bydd pob nofiwr sydd yn yr ysgol nofio ar hyn o bryd yn cael e-bost i roi gwybod iddyn nhw pa wers sydd wedi’i dyrannu iddyn nhw.
Sicrhewch fod cyfeiriad e-bost wedi’i gofrestru i gyfrif hamdden eich plentyn er mwyn i chi gael y neges hon. I roi cyfeiriad e-bost ar gyfrif eich plentyn, e-bostiwch eich canolfan hamdden leol gyda’r cyfeiriad e-bost yr ydych am ei ychwanegu, ac enw llawn a dyddiad geni eich plentyn os oes angen diweddaru ei fanylion.
Bydd y nofwyr i gyd yn cael lle yn y don gywir. Mae’n bosibl y bydd y wers yn cael ei chynnal ar amser gwahanol, ar ddiwrnod gwahanol, neu gydag athro gwahanol. Ymdrechwn i wneud cyn lleied o newidiadau â phosib.
Byddwch yn cael blaenoriaeth wrth archebu rhwng dydd Llun 15 Rhagfyr 2025 a 9pm nos Iau 18 Rhagfyr 2025.
Os yw eich plentyn yn aelod, bydd angen i chi gadarnhau a ydych am gadw ei le erbyn 9pm nos Iau 18 Rhagfyr 2025. Anfonwch neges i gadarnhau i’r cyfeiriad e-bost a ddarperir yn yr e-bost gwybodaeth ailarchebu.
Bydd cyfranogwyr sydd heb dalu am eu gwersi nofio yn cael eu tynnu oddi ar y rhestr.
Os ydych am newid y wers sydd wedi’i dyrannu ar eich cyfer, mae modd i chi wneud hyn ddydd Gwener 19 Rhagfyr 2025 am 11.30am. Bydd angen i chi ffonio neu ymweld â’ch canolfan hamdden leol er mwyn gwneud hyn.
Anfonwch neges e-bost i’ch canolfan hamdden leol os nad ydych am ddychwelyd i’r gwersi, neu os oes gennych unrhyw ymholiadau eraill.
GWYBODAETH AM DALU
Ceir nifer o opsiynau ar gyfer talu am wersi nofio:
Opsiynau aelodaeth
Y ffordd symlaf o dalu am eich gwersi nofio yw gydag aelodaeth. Mae gwersi nofio wedi’u cynnwys yn ein haelodaeth Dysgu Nofio a gellir eu hychwanegu at aelodaeth Aelwyd am dâl bach ychwanegol.
Manteision cael aelodaeth:
- Gallwch rannu’r gost o fynychu gwersi nofio trwy dalu gan ddefnyddio debyd uniongyrchol misol.
- Bydd eich lle yn y gwersi yn cael ei gadw a’i dalu’n awtomatig, a’r cyfan y bydd angen i chi ei wneud fydd cadarnhau bod eich plentyn am fod yn bresennol.
- Mae aelodaeth Dysgu Nofio hefyd yn cynnwys mynediad i weithgareddau iau, sesiynau nofio cyhoeddus, a gostyngiadau i bartïon a chynlluniau gwyliau!
Ceir rhagor o wybodaeth am aelodaeth yma.
Talu fesul tymor
Mae gennych yr opsiwn o dalu am dymor o wersi nofio ar-lein.
Byddwn yn anfon dolen i’r holl nofwyr sy’n mynychu gwersi drwy e-bost er mwyn i chi dalu ar-lein.
Anfonir yr e-bost ynghylch talu ddydd Llun 15 Rhagfyr 2025, ac eto ddydd Mercher 17 Rhagfyr 2025.
Cliciwch ar y ddolen yn yr e-bost i dalu am y gwersi. Wedyn, cliciwch ‘Fy Masged’, a bydd y ddolen honno’n eich arwain at fanylion archebu eich plentyn a’r taliad â cherdyn.
Byddwch yn cael neges e-bost ar gyfer pob un plentyn sydd wedi’i gofrestru am wersi nofio, gyda dolen unigol ym mhob un.
Os nad ydych wedi cael e-bost erbyn 17 Rhagfyr 2025, ffoniwch eich canolfan hamdden leol i dalu.
Gwersi nofio a gyflwynir drwy gyfrwng y Gymraeg
Mae pob cyfleuster yn anelu at gynnig gwersi yn ddwyieithog. Os ydych yn dymuno i’ch plentyn gael gwersi nofio yn gyfan gwbl trwy’r Gymraeg, cwblhewch y ffurflen gais, a byddwn yn gwneud pob ymdrech i ddarparu ar gyfer eich cais. Noder y bydd angen lleiafswm o gyfranogwyr er mwyn i’r dosbarth fod yn hyfyw, fel sy’n wir am bob gwers.