Amserlenni Heini Am Oes

Pencampwyr Cadair

Tynnwch y pwysau i ffwrdd! Gyda chymysgedd o ymarferion i wella symudedd a chryfder, bydd y dosbarth ymarfer corff wrth eistedd hwn yn ehangu eich trefn ymarfer corff mewn ffyrdd newydd! Gan ddefnyddio bandiau gwrthiant, pwysau bar a phwysau eich corff eich hun, dewch i weld beth allwch chi ei gyflawni.

Cylchedau Ysgafn / Cylchedau i Ddechreuwyr 

Dosbarth ymarfer i’r corff cyfan wedi'i strwythuro'n ofalus, sy'n targedu cryfder a dygnwch heb effaith. Addas ar gyfer pob oedran a gallu, wedi'i fonitro'n agos i sicrhau diogelwch gydag arddangosiadau clir drwy'r amser.

Bowls i rai dros 60 oed 

Yn addas ar gyfer pob gallu, bydd ein hyfforddwr yn eich tywys trwy hanfodion bowls. Cymdeithasu wrth i chi wella eich cydsymud, cydbwysedd a dysgu sgiliau newydd.

Cadw'n Heini Ysgafn  

Dewch yn fwy egnïol gyda'n Cadw'n Heini Ysgafn! Gydag amrywiaeth eang o ymarferion i ffyrfhau a chryfhau'r corff o'r corun i’r sawdl wrth wella eich ffitrwydd cardiofasgwlaidd.

Cryfder a Chydbwysedd i Rai Hŷn 

Gadewch i ni wella cryfder a chydbwysedd yn hwyrach mewn bywyd! Hyfforddiant craidd a chydbwysedd i helpu i gadw'ch cymalau yn hyblyg a gwella cryfder i gynorthwyo symudedd a lleihau'r risg o gwympiadau.

Pilates / Pilates i Rai Hŷn

Mae Pilates i Rai Hŷn yn canolbwyntio ar ddatblygiad cytbwys y corff trwy gryfder a hyblygrwydd craidd. Dylai'r ymarfer hwn eich gadael yn teimlo'n dawel, yn gytbwys, ac wedi’ch adfywio.

Ymarfer Ysbeidiol Swyddogaethol

Gadewch i ni wella ein cydgysylltiad, cydbwysedd ac ymwybyddiaeth o'r corff i osgoi anafiadau diangen. Mae Ymarfer Ysbeidiol Swyddogaethol yn canolbwyntio ar batrymau symud sydd â phwrpas, a thrwy hynny wella gallu'r corff i weithio'n effeithlon fel un uned. Nod yr ymarfer yw gwneud gweithgareddau bob dydd yn haws trwy eich helpu i ennill cryfder a hyder.

Cylchedau Campfa 

Yn addas ar gyfer pob gallu, gwella cydbwysedd, cryfder a ffitrwydd cardiofasgwlaidd gan ddefnyddio cyfuniad o rwyfwyr, beiciau, melinau traed, peiriannau gwrthiant a phwysau rhydd yn y dosbarth arddull cylched hwn.

Taith Gerdded Llesiant 

Mae Heini Am Oes a Cherdded er Budd Llesiant Gorllewin Cymru wedi dod at ei gilydd i gynnig taith gerdded llesiant. Ewch allan i’r awyr agored a chofleidio popeth sydd gan Sir Benfro i'w gynnig. Rydym yn argymell gwisgo esgidiau cadarn cyfforddus a dod â dillad gwrth-ddŵr ysgafn rhag ofn i'r tywydd newid yn annisgwyl.

Amserlen Ymarfer Grŵp

Dydd Llun 20 Ebrill – Dydd Sul 19 Gorffennaf

Er nad yw'n hanfodol, byddem yn argymell archebu lle i warantu eich lle.