Chwilio am anrheg sy'n ystyrlon, hyblyg ac yn sicr o wneud i rywun wenu? Mae talebau rhodd Hamdden Sir Benfro yn ffordd berffaith o roi rhywbeth arbennig i’ch teulu, ffrindiau neu gydweithwyr fydd o fudd i'w hiechyd a'u hapusrwydd.
Gellir defnyddio ein talebau drwy gydol y flwyddyn yn unrhyw un o'n canolfannau hamdden ledled Sir Benfro, gan roi rhyddid i'ch anwylyd ddewis sut yr hoffent fod yn egnïol, ymlacio, neu gael hwyl. P'un a yw'n aelodaeth flynyddol i'w helpu i fod yn llawn cymhelliant, sesiwn pwll i’r teulu am ychydig o amser o ansawdd gyda'i gilydd, neu archebu parti ar gyfer dathliad arbennig - mae rhywbeth at ddant pawb.
Beth allwch chi ei brynu gyda Thaleb Rhodd Hamdden Sir Benfro?
• Aelodaeth
Dewiswch o aelodaeth 1, 6 neu 12 mis a rhowch fynediad diderfyn i'n campfeydd, pyllau nofio a dosbarthiadau ffitrwydd yn rhodd. Dyma'r ffordd ddelfrydol o helpu rhywun i ddechrau neu barhau ar eu taith ffitrwydd gyda hyblygrwydd llawn.
• Tocyn 1 wythnos
Yn berffaith ar gyfer ymwelwyr, dechreuwyr newydd neu'r rhai sydd eisiau hwb tymor byr, mae ein Tocyn 1 Wythnos yn rhoi mynediad i'n cyfleusterau am saith diwrnod o weithgarwch a lles.
• Bwndel Hyfforddiant Personol
Rhowch rodd arbennig i rywun gyda bwndel Hyfforddiant Personol Unigol - 6 sesiwn am bris 5. Bydd ein Hyfforddwyr Personol cymwys yn creu cynllun wedi'i bersonoli, yn darparu cymhelliant arbenigol ac yn eu helpu i gyrraedd eu nodau yn gyflymach.
• Llogi Cwrt
Anogwch gystadleuaeth gyfeillgar gyda thaleb y gellir ei ddefnyddio ar gyfer llogi cwrt - perffaith ar gyfer y rhai sy’n mwynhau badminton, tenis neu sboncen.
• Sesiynau Offer Chwarae yn y Pwll
Ar gyfer teuluoedd neu anturiaethwyr ifanc, mae sesiynau offer chwarae yn y pwll yn ddewis gwych. Yn llawn chwerthin, her a hwyl, maen nhw’n un o’r goreuon.
• Partïon
Gwnewch benblwyddi neu gerrig milltir yn arbennig iawn gyda phrofiad parti Hamdden Sir Benfro. Dewiswch o chwarae meddal, offer chwarae yn y pwll, neu bartïon ar thema chwaraeon – fe wnawn ni ddarparu’r hwyl tra byddwch chi'n mwynhau'r dathliad.
Sut i Brynu
• Gellir prynu tocynnau rhodd mewn unrhyw ganolfan Hamdden Sir Benfro drwy gydol y flwyddyn. Ewch i'ch canolfan leol, dewiswch eich gweithgaredd, a byddwn yn darparu taleb yn barod i'w roi fel anrheg.
• Hyblyg, meddylgar a bob amser yn cael ei werthfawrogi – mae talebau rhodd Hamdden Sir Benfro yn anrheg sy'n ysbrydoli iechyd, hapusrwydd a chydweithio.