Teitl: Cofrestru Defnyddiwr
Polisi: Defnyddwyr Cofrestredig Hamdden Sir Benfro
Rhaid i bob defnyddiwr sy’n dymuno cofrestru gyda Hamdden Sir Benfro lenwi ffurflen cofrestru defnyddiwr yn y lle cyntaf. Rhaid llenwi pob rhan o’r ffurflen yn llawn er mwyn i’r cofrestriad fod yn llwyddiannus. O lenwi’r ffurflen gofrestru, bydd manylion y defnyddiwr yn cael eu bwydo i mewn i system Gladstone MRM. Rhaid i fanylion pob defnyddiwr unigol gael eu hychwanegu atynt gan gofrestriad ffotograff (a gynhelir yn y dderbynfa). Diben hyn yw sicrhau bod y cardiau defnyddwyr a manylion y cyfrif yn cael eu defnyddio gan y defnyddiwr priodol. Mae cofrestriad ffotograff hefyd yn golygu bod modd adnabod defnyddwyr mewn achos o argyfwng.
Er bod angen yr holl fanylion (gellir ychwanegu rhai yn nes ymlaen), mae’n rhaid llenwi’r manylion canlynol ar bob ffurflen gofrestru cyn y gall Gladstone brosesu’r cais:-
- Enw Cyntaf
- Cyfenw
- Dyddiad Geni
- Cod Post (cartref)
- Teitl / Rhyw
- Ydych chi’n ystyried bod gennych anabledd?
- Ethnigrwydd
- Ydych chi’n ystyried mai Cymraeg yw’ch iaith gyntaf?
- Unrhyw gyflyrau meddygol perthnasol?
- Llun
Ni fydd defnyddwyr sy’n amharod i ddiwallu’r meini prawf uchod yn gymwys i gofrestru gyda Hamdden Sir Benfro.
Gall Defnyddwyr Cofrestredig: -
- Gadw lle ymlaen llaw am weithgaredd / sesiwn / cyfleuster yn unol â’r polisi cadw lle.
- Bod yn gymwys i fynychu dosbarthiadau neu sesiynau iechyd a ffitrwydd
- Cadw lle dros y ffôn
- Ymaelodi â’r Ganolfan Hamdden
- Talu trwy Ddebyd Uniongyrchol am aelodaeth
- Defnyddio’r cyfleusterau ffitrwydd o gwblhau sesiwn gynefino
- Meddu ar gyfrif gyda Hamdden Sir Benfro
- Bod yn gymwys am ffioedd amser tawel