ORIAU AGOR Y WAL DDRINGO
Sylwch mai'r amseroedd isod yw ein horiau agor arferol ond gallant amrywio ychydig o wythnos i wythnos. Gellir gweld yr union oriau y mae dringo agored ar gael ar yr ap neu’r porth archebu (ar y dde ar frig y sgrin).
Dydd Llun: 6am hyd 8.55pm
Dydd Mawrth: 6am hyd 8.55pm
Dydd Mercher: 6am hyd 8.55pm
Dydd Iau: 6am hyd 8.55pm
Dydd Gwener: 6am hyd 8.55pm
Dydd Sadwrn: 6am hyd 3.30pm
Dydd Sul: 12.30pm hyd 3.30pm
PA DDIGWYDDIADAU SYDD AR GAEL AR Y WAL DDRINGO?
Ddim yn ddringwr ond hoffech chi ddechrau? Mae gennym ystod o sesiynau dringo dan oruchwyliaeth a chyfarwyddyd ar gyfer pobl rhwng tair a 103 oed!
MIRI MWNCI (3-5 OED)
Sesiynau dan arweiniad hyfforddwr sy’n canolbwyntio ar hwyl. Datblygu cydsymud y dwylo a’r llygaid, sgiliau echddygol a chydbwysedd drwy weithgareddau ysgogol ar y wal ac oddi arni.
60 munud os nad ydych yn aelod: £7.20 aelod: £6.00
MIRI MWNCI (5-7 OED)
Sesiynau dan arweiniad hyfforddwr sy’n canolbwyntio ar hwyl. Datblygu cydsymud y dwylo a’r llygaid, sgiliau echddygol a chydbwysedd trwy weithgareddau ysgogol ar y wal ac oddi arni.
60 munud os nad ydych yn aelod: £7.20 aelod: £6.00
MWNCÏOD DIREIDUS (8-12 OED)
Sesiynau dringo lle byddwch yn dysgu sut i ddatblygu sgiliau symud yn ogystal â dysgu sut i ddiogelu eich hun ac eraill.
60 munud os nad ydych yn aelod: £7.20 aelod: £6.00
CLWB CYMDEITHASU (13- 18 OED)
Ein clwb dringo cymdeithasol i bobl ifanc yn eu harddegau sy’n canolbwyntio ar hwyl lawn cymaint â dringo. Mae ein hyfforddwyr yn annog pobl i gymryd rhan ac yn rhoi arweiniad er mwyn helpu pobl ifanc i gyflawni eu potensial.
90 munud os nad ydych yn aelod: £10.00 aelod: £8.95
EWCH I DDRINGO (O WYTH OED AC YN HŶN HYD AT OEDOLION)
Sesiynau dringo dan oruchwyliaeth i bobl o bob oed o wyth oed ac yn hŷn. Cyfle gwych i unigolion a theuluoedd ymarfer ar y wal.
90 munud os nad ydych yn aelod (oedolyn): £7.20 os nad ydych yn aelod (plentyn): £6.00 aelod: AM DDIM
CWRS CYFLWYNIAD I DDRINGO (16 OED AC YN HŶN)
Cwrs tair wythnos o sesiynau awr a hanner. Byddwch yn dysgu sut i wisgo'r offer a chlymu eich hun wrth y wal (cadw'ch hun yn ddiogel), sut i felai (cadw rhywun arall yn ddiogel) a nifer o dechnegau symud sylfaenol. Mae’r cwrs hefyd yn cynnwys y Prawf Cymhwysedd. Felly, ar ôl cwblhau’r cwrs, byddwch yn gallu cofrestru gwesteion a mynychu ein wal heb oruchwyliaeth yn ystod ein horiau agored. Pris: £37.50
DRINGO AGORED
Pwy? Dringwyr cymwys (gweler isod am wybodaeth)
Pryd? Mae sesiynau dringo agored ar gael yn ystod oriau agor y wal ddringo. Gwiriwch yr ap neu'r porth archebu am yr amseroedd diweddaraf.
Faint? £7.85 y pen neu AM DDIM i aelodau.
Defnyddiwch y wal heb oruchwyliaeth a dewch â gwesteion sydd heb basio prawf cymhwysedd (uchafswm o ddau westai i bob dringwr cymwys).
Mae cyfarpar wedi'i gynnwys gyda'r holl ddringo dan oruchwyliaeth a chyfarwyddyd. Yn ystod sesiynau dringo agored, mae'r costau llogi cyfarpar canlynol yn berthnasol:
Harnais – £2.80
Belai – £2.20
Helmed – £1.00
Mae croeso i ddringwyr ddod â'u cyfarpar eu hunain os yw'n well ganddynt.
EISOES YN GWYBOD SUT I DDRINGO?
Croeso i wal ddringo Canolfan Hamdden Hwlffordd! Cyn i ni adael i chi ddringo heb oruchwyliaeth, mae angen i ni wirio eich bod yn gallu defnyddio'r wal yn ddiogel.
PRAWF CYMHWYSEDD
Pwy? Unrhyw un 14 oed neu hŷn sydd â digon o brofiad o ddringo i allu dringo'n ddiogel ar ei ben ei hun.
Pryd? Ffoniwch ein tîm derbynfa i gael gwybod pryd y bydd y profion cymhwysedd nesaf ar gael.
Faint? £12.15 (£11.05 ar gyfer consesiynau)
Mae’r prawf cymhwysedd hwn yn asesiad cyflym o’ch sgiliau belai a chlymu cwlwm fel y gallwn fod yn hyderus wrth ganiatáu i chi ddefnyddio’r ganolfan heb fewnbwn pellach gan hyfforddwr. Mae'n cynnwys llogi’r holl offer. Ar ôl profi eich sgiliau, byddwch wedyn yn cael cofrestru hyd at ddau unigolyn pump oed ac yn hŷn, fel gwesteion.
Ar ôl hyn, byddwch yn gallu defnyddio'r wal ddringo heb oruchwyliaeth. Gwiriwch ein porth archebu neu ap i weld amseroedd agor diweddaraf y wal.
YDYCH CHI'N HYFFORDDWR DRINGO?
Croeso i wal ddringo Canolfan Hamdden Hwlffordd, mae angen i chi gyflawni ambell dasg cyn y gallwch ddod â grwpiau i’r wal ddringo. Yn gyntaf bydd angen i chi fod yn ddefnyddiwr cofrestredig gyda Hamdden Sir Benfro (cofrestrwch yng nghornel dde uchaf y wefan hon). Yna anfonwch gopi o’ch cymhwyster dringo (CWA/CWLA/SPA/MIA/MIC/Tywysydd), tystysgrif cymorth cyntaf, yswiriant a’r ffurflen hon drwy e-bost i [javascript protected email address]. Caniatewch ar gyfer amser gweinyddu – fel arfer byddwch yn derbyn cadarnhad drwy e-bost o fewn dau ddiwrnod gwaith.
Ar ôl hyn, gallwch gofrestru eich grŵp! Hyd at naw o bobl neu hyd at 12 gyda chynorthwyydd y mae'n rhaid iddo fod wedi'i hyfforddi o leiaf i safon Dyfarniad Wal Ddringo (CWA). Argymhellir archebu lle ymlaen llaw er mwyn sicrhau bod lle ar gael.
Mae mynediad Grŵp dan Gyfarwyddyd yn costio £6.50 y pen (gan gynnwys yr hyfforddwyr).